Қазақстандық кәсіпқой боксшы Данияр Елеусінов (10-0, 6 КО) келесі жекпе-жегін Лас-Вегас қаласында аса ауыр салмақта WBC белбеуі сарапқа салынатын кеште өткізуі мүмкін, деп хабарлайды Vesti.kz порталы.
10 қазан күні ұлыбританиялық боксшы Тайсон Фьюри (30-0-1, 21 КО) америкалық Деонтай Уайлдерге (42-1-1, 41 КО) қарсы WBC белбеуін қорғайды. Бұл боксшылардың үшінші кездесуі. Бірінші айқас тең аяқталса, екінші кездесуде Фьюри техникалық нокаутпен жеңіске жеткен еді.
Дәл осы уақытта Данияр Елеусіновтің кездесуі де жоспарланған. Алдағы жекпе-жекте отандасымыз IBF Inter-Continental белбеуін қорғайды. Елеусіновтің менеджері Зия Алиевтің айтуынша, Олимпиада ойындары чемпионының келесі кездесуі мықты бокс кешінде өтеді. Қарсылас та үздік боксшылардың бірі болады.
Бұған дейін Елеусінов тамыз айында кездесу өткізеді деген ақпарат шықты. Бірақ бұл дата кейінге шегерілді. Негізі қазан айында көптеген бокс кеші бар. Алайда мамандардың пікірі бойынша, Данияр Фьюри мен Уайлдер арасындағы кеште кездесу өткізеді.
Еске салайық, Елеусінов кәсіпқой бокстағы кейінгі кездесуін 2020 жылдың 27 қарашасында өткізді. Жартылай орта салмақта IBF Inter-Continental белбеуі сарапқа салынған бұл айқаста отандасымыз Джулиус Индонгоны жеңген еді. Содан бері Елеусінов әлі шаршы алаңға шыққан жоқ.