Чавес "Канеломен" өтетін жекпе-жекке 10 күн қалғанда салмақ өлшеді

Орта салмақтағы әлемнің бұрынғы чемпионы кіші Хулио Сезар Чавес (50-2-1, 32 КО) отандасы Сауль "Канело" Альвареспен өтетін жекпе-жекке 10 күн қалғанда салмақ өлшеді.

Бұл екі боксшы арасындағы жекпе-жек 6 мамыр күні Лас-Вегастағы (АҚШ) T-Mobile Arena спорт кешенінде өтеді. Кездесуде WBC кеңесінің арнайы белбеуі сарапқа салынады. Жекпе-жек алдындағы ресми салмақ өлшеу кезінде Чавес 164,5 фунтты көрсету керек. Егер бұл салмақтан асып кететін болса, ол әрбір артық фунтқа бес миллион доллар көлемінде айыппұл төлейді.

Жекпе-жекке 10 күн қалғанда Чавестің салмағы 169,5 фунтты көрсетті. Бұл дегеніміз ол қазірдің өзінде бес миллион доллар көлемінде айыппұл төлейді деген сөз. Бірақ жекпе-жекке дейін ол салмағын қуып үлгеруі мүмкін.

"Чавес салмағын уақытымен қуып келеді. Қазіргі артық 5 келіге уайымдаудың қажеті жоқ. Ары қарай да осы жолмен жұмысты жалғастыратын болсақ, салмақ тура болады. Жұма күні біз Вегасқа жол тартып, келер аптаға дейін дайындықты жалғастырамыз", - дейді Чавестің фитнес бапкері Анхель Эредиа.

\

Әлеуметтік желілерде бөлісу