Чавес Головкинді мазак етті

Орта салмқта әлемнің экс-чемпионы Хулио Сезар Чавес (49-2-1, 32 KO) Сауль "Канело" Альвареспен (48-1-1, 34 КО) бірінші болып жұдырықтасатынына байланысты Геннадий Головкинді Желі арқылы мазақ етті, - деп хабарлайды Vesti.kz.

Мұның алдында боксшылар жекпе-жек туралы 6 мамырда келісімге келгені белгілі болған. Кездесу 164,5 фунт аралық салмағында өтеді және HBO арнасында PPV ақылы трансляциялар жүйесі арқылы көрсетіледі. 

Осы жағдайға байланысты Чавес Instagram желісіндегі парақшасына "Канеломен" бір көлікке отырып, жол жиегінде тұрған Головкинге су шашыратып кеткені бейнеленген коллаж орналастырып, "Мен сені жекпе-жекке шақырдым. Бірақ, сен жауап бермедің. Сондықтан да кешірім сұраймын.Головкин - жақсы жігіт", - деп жазба қалдырды.