Бұрынғы әлем чемпионы Головкиннің жетістікке жетуінің құпиясын ашты

Үш салмақ дәрежесіндегі бұрынғы әлем чемпионы америкалық боксшы Шейн Мозли FightSpace сайтына берген сұхбатында орта салмақтағы WBC, WBA (Super), IBF және IBO тұжырымдары бойынша әлем чемпионы Геннадий Головкиннің жетістікке жетуінің құпиясын ашты, деп хабарлайды Vesti.kz тілшісі.

45-жастағы былғары қолғап шебері GGG-ге қарсы бірнеше жаттығу жекпе-жектерін өткізгендіктен, оның қандай деңгейде жұдырықтасатынын жақсы біледі.

"Ол тыңбай еңбектенеді. Өте еңбекқор адам. Ол барлық жаттығу жұмыстарына толыққанды беріледі. Үлкен жетістіктерге жетсе де тұрақты түрде жүгіріп, соққыларын жақсартып, Абель Санчестің тапсырмаларын орындайды.

Ол Биг Беарда тұрудың орнына, жаттығу залында түнейді. Бұл көптеген мықты боксшыларға жігер беретіні анық. Өйткені бұған қарап олар қайдан шыққандарын қмытпайды.

Головкин дайындалғанда осыны есінен шығармайды. Жетістікке жетіп масаттанған немесе голивуд жұлдызы секілді жаттықпайды. Дәл осы қасиетінің арқасында ол әлемдік дәрежедегі боксшыға айналды.

Головкин мен Мозли жекпе-жегі:

Еске сала кетейік, Головкин - Джейкобс жекпе-жегі 18 наурызда Нью-Йоркте өтеді. HBO арнасы бұл жекпе-жекті ақылы трансляциялар жүйесі (PPV) арқылы көрсетеді. Қазақстанда жекпе-жекті "Қазақстан" және KazSport арналары көрсетеді. Отандасымыздың бұл жекпе-жегін "Қазақстан" ҰТА мен "Kazsport" телеарнасы тікелей эфирде көрсетеді. Трансляцияның басталуы 19 наурызда 08:00-де.

Әлеуметтік желілерде бөлісу