Брук абыройы бар боксшы. Бұл кездесу Қанат Ислам үшін керек - Болат Манкенов

Танымал қазақстандық промоутер Болат Манкенов Vesti.kz порталының тілшісіне қазақстандық боксшы Қанат Ислам 25-0, 20 КО) мен британдық Келл Брукк (36-2, 25 КО) арасындағы қаншалықты мүмкін екенін айтып берді. 

- Қалай ойлайсыз, Ислам мен Брук арасындағы кездесуді ұйымдастыру мүмкін бе?

- Бұл жерде барлығы промоутерлерге тікелей байланысты. Келіссөздерді жүргізетін менеджерлер бар. Көпшілік Қанат Исламның Брук секілді абырой бар боксшымен жұдырықтасқанын күтіп жүр. Ал Бруктің командасына Исламмен жекпе-жек өткізу қажет пе? Міне, осы сауалдың басын ашып алу керек. 

Қазір кәсіпқой бокстағы жағдай керемет емес. Сондықтан Қанат Исламның командасы мүмкіндігінше мықты боксшыны таңдап алу керек. Қанаттың мықты боксшы екенін білеміз. Осындай мықты боксшыға ие бола отырып, оның промоутері тек мықты боксшыларды таңдау керек. Егер Брукпен келіссе, бұл Қанат үшін жақсы. Өздеріңізде білесіздер, қазір оның жасы келіп жатыр. Бірақ Қанаттың дәл осылай мықты боксшылармен шықауына оның еш кінәсі жоқ. Барлығын промоутер мен команда жасауы керек

- Көпшілік қазір Қанат Исламға Брукпен жекпе-жектің қажеті жоқ деп жатыр. Өйткені, британдық боксшы бұрынғыдай танымал емес ... Сіз қалай ойлайсыз?

- Мен мұнымен келіспеймін. Брук әлі де мықты боксшылардың қатарында. Ол мықты боксшылардың көбісімен кездескен. Оның ішінде Головкин де бар. Дәл қазір оның қандай бабында екенін біз білмейміз. Дегенмен де оның атағы бар. 

- Егер жекпе-жек туралы екі команда келісімге келсе, кездесу Англия жерінде өтеді. Қанат Исламға Аглияда жұдырықтасу тиімді ме?

- Қайда болса да Қанатқа жұдықтасу керек. Ислам әлдеқашан мықты боксшылармен жұдырықтасуы кере кеді. "Канело" немесе Пакьяо деп қолды айға созудың қажеті жоқ. Жерге түсіңіздер. Үздік ондықтың қатарына кіретін боксшылармен келісіңіздер. Үздік ондықтағы боксшылардың көбісінде атақты. Мен Брукты керемет деп айта алмаймын. Бірақ ол Исламның бұған дейінгі қарсыластарынан әлдеқайда мықты. Енді тек үздіктермен ғана келіссөз жүргізу керек. Сол кезде ғана нәтиже болады. 

Еске салайық, 2016 жылдың қыркүйек айында Брук орта салмақтағы WBA (Super), WBC, IBF және IBO белбеулерінің иерегрі қазақстандық Геннадий Головкинмен кездескен. Ол жекпе-жек Лондон қаласында өтіп, GGG бесінші раундта техникалық нокаутпен жеңіске жетті. Осы кездесуде Брук көзін жарақаттап алған еді.

Ал өзінің соңғы кездесуін Брук америкалық Эррол Спенске (27 мамыр) қарсы өткізіп, 11 раундта нокаутпен жеңіліс тапты. Бұл кездесуде британдық боксшы тағы да көзін жарақаттап алды. Осы кездесуден кейін Брук біржолата бокстан кетемін дегенді айтты. Бірақ кейін ол командасымен ақылдасып, карьерасын жалғастыратын болды. Енді оның келесі кездесуі 2017 жылдың соңында өтуі мүмкін.

Айта кетейік, 33 жастағы Қанат Ислам қазіргі уақытта бірінші орта салмақтағы WBO NABO және WBA Inter-Continental белбеулерінің иегері. Ол соңғы кездесуін 9 қыркүйек күні Астанада өткізіп, канадалық Брэндон Куктан үстем түсті.