BoxingScene сарапшысы Гассиевті Головкиннің көшірмесі деп атады

Танымал BoxingScene.com порталының сарапшысы Стивен Эдвардс ресейлік боксшы Мурат Гассиевті (26-0, 19 КО) қазақстандық боксшы Геннадий Головкинмен салыстырды, - деп хабарлайды Vesti.kz.

Екі боксшыны да Абель Санчес жаттықтырады. Гассиев соңғы жекпе-жегін ақпанның үшінен төртіне қараған түні Сочи қаласында Бүкіләлемдік бокс суперсериясының жартылай финалы аясында Юниер Дортикосқа (22-1, 21 КО) қарсы өткізді. Ресейлік боксшы қарсыласын нокаутқа түсіріп, шаршы алаңнан шығарып жіберді

Головкин осы кездесуді залда отырып тамашалады. Жекпе-жек алдында Геннадий бауыры Максиммен Гассиевтің шешіну залына кіріп, сәттілік тіледі.

"Абель Санчес өте мықты бапкер. Оның жігіттері тәртіпті, өзін тыңдата біледі. Гассиев - GGG клоны", - деп жазды Эдвардс Twitter желісіндегі парақшасында.

Өз кезегінде Санчес Гассиевті "Головкиннен кейінгі залдағы екінші боксшы" екенін айтты. Ресейлік боксшы да бірнеше мәрті қазақстандық боксшыдан үйренгені көптігін айтты.

WBSS финалында Гассиев украиналық Александр Усикпен (14-0, 11 КО) жұдырықтасады. Украиналық боксшы жартылай финалда латвиялық Майрис Бриедисті (23-1, 18 КО) төрешілер шешімі бойынша жеңді.