Билли Джо Сондерстің келесі жекпе-жегі қыркүйекке белгіленді

Орта салмақта WBO тұжырымы бойынша әлем чемпионы Билли Джо Сондерс (24-0, 12 KO) келесі жекпе-жегін қырқүйекте өткізеді, - деп хабарлайды boxingnewsresults.com.

Тұтқындалған Автандил Хурцидзенің орнына Сондерске Бүкіләлемдік бокс ұйымының үздік төрттігінен басқа қарсылас таңдалады. Ол тізімге Риота Мурата, Давид Лемье, Роб Брант және кіші Вилли Монро кіреді.

"Болған жағдай өкінішіті, бірақ, Билли қыркүйекте жұдырықтасады. Билли міндетті қарсыласпен жұдырықтасу керек болатын, Хурцидземен, енді онымен не болатынын білмеймін", - дейді британиялық боксшының промоутері Фрэнк Уоррен.

Еске салайық, Сондерстің өзі Голвкин-Альварес жекпе-жегінің жеңімпазымен жұдырықтасу үшін WBO чемпионы атағын қорғау керектігін айтқан. 8 шілдеде ол Хурцидземен жұдырықтасу керек болатын. Алайда грузин боксшысын АҚШ-та полиция тұтқындады.

Головкинге абсолютті чемпион атану үшін Сондерстегі WBO, белбеуі ғана жетпей тұр. Екі жақ 2016 және 2017 жылы да келіссөздер жүргізген, дегенмен, екі жағдайда келісімге келе алмады.

Әлеуметтік желілерде бөлісу