Танымал ресейлік комментатор Дмитрий Губерниев қазақстандық Геннадий Головкин (42-1-1, 37 КО) мен мексикалық Сауль "Канело" Альварес (57-2-2, 39 КО) арасында өтетін үшінші кездесуі туралы ойын білдірді, деп жазады "МК".
"Бір-біріне лайықты қарсылас. Болжам жасау өте қиын. Сондықтан болжам жасаудың орнына жекпе-жектен ләззәт алғанды жөн көремін", - деді Губерниев.
Айта кетейік, трилогия 18 қыркүйек күні Лас-Вегас (АҚШ) қаласында өтеді. Бұл жекпе-жекте екінші орта салмақтағы әлемнің абсолют чемпионы атағы сарапқа салынады.