Асхат Уалихановтың келесі кездесуі қашан өтетіні белгілі болды

Қазақстандық боксшы Асхат Уалихановтың кәсіпқой рингтегі келесі жекпе-жегі қашан өтетіні белгілі болды, - деп хабарлайды Vesti.kz.

Уалиханов 28 сәуірде Лос-Анджелестегі бокс кешінде жекпе-жекке шығады. Әзірге қазақстандық боксшының қарсыласы анықталған жоқ. Дегенмен жекпе-жек бірінші орта салмақта өтеді және алты раунд болатыны белгілі.

"Астана арландарының" бұрынғы мүшесі Асхат Уалиханов кәсіпқой рингте үшінші рет жұдырықтасады.