Асхат Уалиханов жекпе-жек алдында салмақ өлшеді

Қазақстандық кәсіпқой боксшы Асхат Уалиханов жекпе-жек алдында салмақ өлшеді, деп жазады Vesti.kz порталы.

Еске салайық, 26 жастағы отандасымыз өзінің кезекті кездесуін 28 сәуір күні, АҚШ-тың Бурбанк қаласындағы (Калифорния штаты) "Marriott" спорт кешенінде өткізеді.

Отандасымыздың қарсыласы америкалық Эрик Фаулер болады. 28 жастағы боксшы осы уақытқа дейін кәсіпқой бокста бір кездесу өткізіп, отандасы Уилл Дэвистан жеңіліп қалған.

Бүгін екі боксшы жекпе-жек алдында салмақ өлшеді. Негізі бұл жекпе-жек бірінші орта салмақта өтеді. Салмақ өлшеудің қорытындысы бойынша Уалиханов 141,6 фунтты көрсетсе, оның қарсыласы 142 фунтты көрсетті.

Айта кетейік, 26 жастағы Асхат Уалиханов кәсіпқой бокста екі кездесу өткізіп, бірінде жеңіске жетсе, екіншісінде жеңіліп қалды. Бірінші кездесуін ол 8 тамыз күні Даниэль Бастинге қарсы өткізіп, жеңіске жетіп тұрған. Бірақ төртінші раунда отандасымыз төрешінің пәрменінен кейін соққы жасап жіберіп, бәсекеден шеттетілген еді. Екінші кездесуін Уалиханов 2 желтоқсанда өткізіп, Карлос Агульерадан айласын асырды.

Әлеуметтік желілерде бөлісу