Андре Уорд Головкинді әлемнің үздік боксшыларының қатарына қоспады

Америкалық боксшы Андре Уорд салмақ барлық салмақ дәрежелері бойынша (P4P) іріктеп, үздік боксшыдан тұратын өзінің рейтингін жасады. Ол тізімге қазақстандық боксшы Геннадий Головкин енбепті, деп жазады Vesti.kz порталы.

Уордтың жасаған тізімінде бірінші орында кубалық боксшы Гильермо Ригондо тұр. Одан кейін америкалық Теренс Кроуфорд жайғасса, мексикалық Сауль Альварес үшінші орынға тұрақтапты. Рейтингтің төртінші орнына украиналық Василий Ломаченко содан соң америкалық Кейт Турман орналасқан.

Сондай-ақ Уорд өзінің тізіміне ресейлік Сергей Ковалев, никарагуалық Роман Гонсалес, филиппіндік Мэнни Макьяо және қазақстандық Геннадий Головкинді қоспаған.

Еске салайық, Андре Уорд өзінің келесі жекпе-жегін 17 маусым күні Лас-Вегаста өткізеді. Оның қарсыласы ресейлік Сергей Ковалев болады. Жекпе-жекте Уордтқа тиеслі WBA (Super), WBO және IBF ұйымдарының чемпиондық белбеулері мен аргентиналық The Ring журналының чемпиондық атағы ортаға салынады. Кездесуді НВО арнасы ақылы )PPV) жүйеде көрсетеді.

Әлеуметтік желілерде бөлісу