Орта салмақта WBO белбеуінің иегері америкалық Деметриус Андраде не үшін Сауль "Канело" Альварестің баспасөз жиынына қатысқанын түсіндіріп берді.
Бұл жағдайда "Канелоның" екінші орта салмақта британдық боксшы Билли Джо Сондреспен өткізген кездесуінен кейін болды. Аталған айқаста WBC, WBA және WBO белбеулерін жеңіп алды. Кездесуден кейін Андраде баспасөз жиынына келіп, мексикалықты жекпе-жекке шақыруға тырысты. Алайда Альварес оны мазақ етіп, жиыннан қуып жіберді.
"Ол менімен бірінші орта және орта салмақта кездесуден бас тартып жүрді. Сол үшін де баспасөз жиынына бардым. Ол мені әлсіз деп айтып, ақталып жүр. Шынына келгенде, олай емес екенін бәрі біледі. Ол бұған дейін кіммен жұдырықтасты? Каллум Смит, анау түрік жігіті (Авни Йылдырым) немесе Рокки Филдинг. Бұлардың бәрі әлсіз боксшылар.
Мен онымен сөйлескім келген. Бірақ жағдай бақылаудан шығып кетті. Мен бұлай болады деп ойламадым. Альварес орта салмақта әлемнің абсолютті чемпионы болғысы келгенін айтты. Кейін мен WBO белбеуін жеңіп алғанда ол абсолютті чемпион болатын мүмкіндікті жіберіп алды. Сөйтіп ол менімен шығудың орнына Сергей Ковалевпен жұдырықтасты", - деді Андраде The Ring басылымына берген сұқбатында.
Айта кетейік, Андраде мұндай қылығымен бірінші рет көзге түсіп отырған жоқ. 2019 жылы ол Геннадий Головкин украиналық Сергей Деревянченконы жеңгенде Мadison Square Garden спорт кешенінің рингіне шығып, қазақстандық боксшыны жекпе-жекке шақырғысы келді. Бірақ ол кезде қауіпсіздік қызметі өкілдері кедергі жасады.