Америкалық боксшы Андре Уорд спорттық мансабын аяқтады

Sportbox

IBF, WBA және WBO тұжырымдары бойынша әлем чемпионы атағына (79,38 кг салмақта) америкалық боксшы Андре Уорд спорттық мансабын аяқтады. Бұл туралы боксшы өзінің ресми сайтында хабарлады.

- Борышым аяқталды. 10 жыл серігім болған боксты жақсы көремін. Маған қолдау білдірген барша жанкүйерлеріме шын жүректен алғысымды білдіремін. Бұдан кейінгі жекпе-жектерге қауқарым жетпейтін секілді. Себебі шаршы алаңға тағы шығуға ықыласым жоқ, - деп жазған боксшы.

Андре Уорд кәсіпқой бокстағы мансабын 2004 жылы бастаған. Одан бергі аралықта 32 жекпе-жек өткізіп, барлығында жеңіске жеткен. Оның 16-да қарсыласын уақытынан бұрын жеңіп шыққан. Сондай-ақ кәсіпқой бокс тарихында спорттық мансабын жеңілмей аяқтаған үшінші боксшы атанып отыр. Андреге дейін америкалық Рокки Марчиано (49 жекпе-жек, 43-і нокаут) мен Флойд Мейвезер-кішісі (50 жекпе-жек, 27-сі нокаут) де өз мансаптарында ешқашан жеңілмеген.

Америкалық боксшы соңғы екі жекпе-жегін де ресейлік боксшы Сергей Ковалевке қарсы өткізді. 2016 жылы америкалық боксшы ұпай санымен жеңіске жетсе, биыл қарсыласын 8 раундта нокаутпен жеңген болатын.

Андре Уорд Геннадий Головкиннің қарсыласы атануы мүмкін боксшылар санатында екені талай рет айтылды. Дегенмен қос боксшының шаршы алаңда жолы түйіскен жоқ.

Әлеуметтік желілерде бөлісу