Альварестің спарринг қарсыласы болған қазақстандық боксшы келесі кездесуін Аргентинада өткізеді

Қазақстандық кәсіпқой боксшы Бобиржон Моминов (3-0, 3 КО) Vesti.kz тілшісіне берген сұхбатында Оңтүстік Америкада өтетін келесі жекпе-жегі туралы айтып берді.

25 жастағы қазақстандықтың қарсыласы жартылай орта салмақта өнер көрсетіп жүрген 33 жастағы аргентиналық Рубен Рафаэль Рохас (4-10-2, 1 КО) болды. Бокс кеші Буэнос-Айроста (Моминов бұрынғы үш жекпе-жегін АҚШ-та өткізді) өтеді.

- Иә, менің келесі жекпе-жегім Аргентинада өтеді. Ұарсыласымды әлі көрген жоқпын, - деді Моминов.

- Неліктен Аргентинаны таңдадыңыз?

- Біз осы бағыттың дұрыс болатынына сенімдіміз. Мен дайынмын әрі кез келген қарсыласқа дайынмын.

- Сосын қайтіп АҚШ-қа ма?

- Мен АҚШ-та жаттығамын, Аргентинада тек жекпе-жек өткіземін. Бұл кездесуді теледидардан көрсетеді.

- Аргентилық телеарна ма?

- Иә, TV TNT Sports телеарнасы осы бокс кешін тікелей эфирден көрсетеді.

Айта кетейік, қазақстандық боксшы Бобиржан Моминов "Сауль "Канело" Альварестің спарринг серіктесі болды. Боксшы бұл кезеңнің кәсіби тұрғыдан біраз сабақ болғанын айтады.

Әлеуметтік желілерде бөлісу