Альварестің Головкинмен жекпе-жекке дайындығын қашан бастайтыны белгілі болды

Мексикалық боксшы Сауль "Канело" Альварестің қазақстандық Геннадий Головкинмен жекпе-жекке дайындығын қашан бастайтыны белгілі болды, - деп хабарлайды Vesti.kz.

Мексикалық боксшының бапкері Эдди Рейносоның айтуынша, "Канело" екі апта демалады да, Головкинмен жекпе-жекке шығу үшін дайындығын бастайды.

"Канело" он күндей, ары кетсе екі апта демалады, сосын жүгіруді бастайды, жұмысын солай молайта береді. Бұл жолы біз Лос-Анджелесте жұдырықтасамыз. Осындай ірі жекпе-жектен кейін біз жеңіске көңіліміз толады, жақсы іс тындырдық. Дайынедығымыз жақсы болды, бұл жекпе-жекте көрінді. Халық "Канело" алтыншы раундттан кейін әлсірей бастайды деп ойлаған, бірақ ол өз бұрышында отырмады да. Бұл оның алдағы жекпе-жекке өте жақсы мүмкіндік, - деді ол.

Еске салайық, 7 мамырда Альварес отандасы Хулио Сезар Чавесті төрешілердің шешімімен жеңген болатын. Лас-Вегастағы T-Mobile аренасында өткен бокс кешінің басты жекпе-жегі 12 раундқа созылып, оның қорытындысында қазылар алқасы 120-108 есебімен жеңісті Альвареске берген. Жекпе-жектің толық видеосын мына жерден көре аласыздар.

Жекпе-жектен кейін рингке Головкин шығып, Альвареспен 16 қыркүйекте кездесетіні мәлім болды. Головкиннің рингке шыққан видеосы мен Альвареспен жекпе-жекті ресми жариялау сәті түсірілген видеоны мына жерден көре аласыздар.

Әлеуметтік желілерде бөлісу