Альварестің допинг дауына қатысты ісі мамырға дейін созылып кетуі мүмкін

Сауль Альварес. Сурет: highsnobiety.com

Невада штатының Атлеттер комиссиясы мен Golden Boy Promotoins промоутерлік компаниясының адвокаттары допингпен ұсталып қалған мексикалық Сауль "Канело" Альварестің (49-1-2, 34 КО) ісіне қатысты бейбіт шешім шығару үшін келіссөз жүргізіп жатыр. Бұл туралы LA Times хабарлап отыр.

18 сәуір күні Лас-Вегаста белгіленген жиында екі тарап келісімге келе алмайтын болса, бұл отырыс мамыр айына, комиссиясының толық жиынына дейін ауыстырылуы ықтиал.

Жуарда ғана операция жасатқан Альварес бұл жиынға қатыспайды. Бірақ телефон арқылы байланысты отады.

Головкин промоутері және бапкерімен бірге Альварестің допинг дауына қатысты ісін бақылау үшін Лас-Вегасқа келді

Еске салайық, бұл жиын кезінде Альварестің қанша уақытқа бокстан шететілетіні шешіледі. БАҚ мәліметі бойынша, ол бір жылға шеттетілуі мүмкін. Сондай-ақ оның 5 мамырға жоспарланған Головкинмен кездесуіне қатысты мәселеге нүкте қойылады. Кейбір деректер бойынша, Головкиннің командасы бұл жиыннан кейін Ванес Мартиросянмен кездесу туралы ресми хабарлайды. Сонымен қатар мексикалық боксшымен екінші кездесудің жаңа датасы да айтылады.

Әлеуметтік желілерде бөлісу