Альварес не үшін Головкиннің орнына Чавесті қарсылас етіп таңдады?

Карлос Куадрас. ©sportenote.com

WBC тұжырымы бойынша ең жеңіл салмақтағы бұрынғы әлем чемпионы Карлос Куадрас, отндасы Сауль "Канело" Альварестің неліктен Головкинді емес, кіші-Чавесті таңдағанын айтып берді, - деп хабарлайды Vesti.kz.

"Канелоның" промоутерлері Чавестің әлсіздеу қарсылас екенін біледі. Головкин жыртықыш қой. "Канело" чавесті жеңсе, онда келісім бойынша қыркүйекте Головкинмен жқдырықтасады. Ал Чавес жеңіп кетсе, жоспардың бәрі суға кеткені.

Golden Boy Мексикада "Канело" есімін теледидар арқылы асқататып жіберді. Бірақ жанкүйерлер нәтиже көргісі келеді және талап етіп жатыр. "Канело" сыйлы болып қалу үшін бұл жекпе-жекте жеңіске жету керек. Бірақ бұл Чавеске де қатысты", - дейді Куадрас Villainfy Media баслымына берген сұхбатында.

Айта кетейік, Куадрас 18 наурызда Нью-Йоркте өтетін бокс кешінде шаршы алаңға қайта шығады. Бұл кеште Головикн мен Джейкобс жекпе-жегі басты оқиға болады. Сонымен қатар, бұл жекпе-жектің андергардында Кударастың белбеуін тартып алған никарагуалық Роман Гонсалес те жұдырықтасады.

Әлеуметтік желілерде бөлісу