Альварес - кіші Чавес жекпе-жегінің барлық билеттері сатылды

Коллаж tout-sur-la-boxe.net сайтынан

Орта салмақтағы әлемнің бұрынғы чемпионы мексикалық кіші Хулио Сезар Чавес (50-2-1, 32 КО) және орта салмақтағы WBO тұжырымының чемпионы, отандасы Сауль "Канело" Альварес(48-1-1, 34 КО) арасындағы кездесудің билеттері лезде сатылып кетті, деп хабарлайды Vesti.kz тілшісі.

Жанкүйерлер жекпе-жекке екі ай қалғанда барлық билеттерді сатып алды. Лас-Вегас қаласындағы T-Mobile кешенінде өтетін бокс кешінде ине шаншарлық орын болмайды деп күтілуде. 20 билетті көрермендер он күнде сатып алған.

"Көріп тұрғандарыңыздай, үлкен жекпе-жектерге қызығушылық жоғары. Лас-Вегастың ең күші бокс аренасында өтетін кездесудің билеттерін он күнде саттық", - дейді Альварестің промоутері Оскар Де Ла Хойя.

Айта кетейік, бұл жекпе-жектің жеңімпазы қазақстандық Геннадий Головкинмен (36-0, 33 КО) жұдырықтасуы мүмкін.

Еске салайық, бұл екі боксшы арасындағы жекпе-жек 6 мамыр күні Лас-Вегаста аралық салмақ, яғни 164,5 фунтта өтеді. Кездесуді НВО телеарнасы ақылы жүйе (PPV) бойынша таратады.

Әлеуметтік желілерде бөлісу