Альварес - Чавес жекпе-жегінің PPV сатылымы Головкиннің көрсеткішінен жеті есе асып кетті

Лас-Вегаста өткен Сауль "Канело" Альварес (49-1-1, 34 КО) пен кіші Хулио Сезар Чавес (50-3-1, 32 КО) арасындағы жекпе-жек НВО арнасындағы ақылы көрсетілім жүйесінде қыруар пайда алып келді, деп жазады Vesti.kz порталы.

ESPN арнасымының сарапшысы Дэн Рафаэльдің мәліметі бойына, екі мексикалық боксшының жекпе-жегін кем дегенде миллион көрермен тамашалапты.

Осылайша Альварес - Чавес арасындағы жекпе-жектің ақылы көрсетілімі қазақстандық боксшы Геннадий Головкин (32-2, 20 КО) мен Дэниель Джейкобс 32-2, 20 КО) арасындағы Нью-Йоркте өткен жекпе-жектің көрсеткішінн жеті есе асып түсті. Отандасымыздың соңғы жекпе-жегін 170 мың көрермен ақылы жүйе бойынша тамашалаған еді.

Одан бөлек, Чавес Альварес үшін PPV сатылымы бойынша соңғы жылдардағы ең күшті қарсылас атанды.

Головкин - Альварес жекпе-жегі 16 қыркүйекте өтеді.НВО арнасы бұл кездесуді PPV арқылы таратады. Алайда қайда өтетіні әзірше нақты белгілі болмай тұр.

Қазіргі таңда Головкин - Альварес жекпе-жегін өткізуге сегіз спорт кешенінен ұсыныс түскен. Олардың ішінде Лас-Вегастағы, Нью-Йорк қаласында орналасқан Madison Square Garden және Далластағы AT&T Stadium стадионы секілді танымал спорт кешендері бар. АҚШ-тан бөлек Ұлыбритания астанасындағы "Уэмбли" және Мехиконың "Ацтек" стадиондары да бұл жекпе-жекті қабылдауға ынталы.

Әлеуметтік желілерде бөлісу