Абель Санчес Головкин мен МакГрегор арасындағы жекпе-жекке түбегейлі қарсы

maxim.com сайтының коллажы

Қазақстандық Геннадий Головкиннің бапкері Абель Санчес GGG мен UFC чемпионы Конор МакГрегор арасында жекпе-жек өткізу ойына қарсы шықты.

"Мұндай ешқашан болмайды деген үміттемін, бұл мен бірден бас тартатын жекпе-жек болады. Тіпті мұндайды талқылауға да толығымен қарсымын.

Бұл жерде мәселе жеңіл ақшада ғана емес. Бұл жекпе-жекке лайықты көптеген өзге боксшылар да бар. Головкинмен жұдырықтасу оларға жақсы табыс әкеледі. Басынан көп дүниені өткеріп, осындай мүмкіндіке жету үшін шыдап келген боксшыларға әділ болу керек", - дейді Санчес iFL TV арансына берген сұхбатында.

Еске салайық, 26 тамызда МакГрегор Лас-Вегастағы T-Mobile Arenaсында бес салмақ дәрежесіндегі бұрынғы чемпион Флойд Мейвезермен жұдырықтасады. Жекпе-жек бокс ережелері бойынша өтеді. Ал қос спортшы да бұл кештен 100 миллион доллар табыс көретіні хабарланған.

16 қыркүйекте дәл осы аренада Головкин мен "Канелоның" жекпе-жегі болады. Бұл екі оқиға да ақылы трансляция жүйесі арқылы көрсетіледі.

Әлеуметтік желілерде бөлісу