Инсайдер Головкин мен "Канело" арасындағы үшінші кездесу қашан өтетінін мәлімдеді
Орта салмақтағы IBF және IBO белбеулерінің иегері қазақстандық Геннадий Головкин (40-1-1, 35 КО) осы салмақта WBA (Super) және WBO (Regular) белбеулерінің иегері мексикалық Сауль "Канело" Альварес (53-2-1, 36 КО) арасындағы үшінші кездесу 2021 жылдың мамыр айында өтуі мүмкін. Бұл туралы The Athletic инсайдері Майк Коппинджер хабарлады.
Оның мәліметі бойынша, "Канело" бұл кездесу үшін 45 миллион доллар, ал Головкин 30 миллион доллар гонорар алады екен. Бұл екі боксшы арасындағы екінші кездесудің билеттерінен 27 миллион табыс түскен болатын. Сондықтан ұйымдастырушылар бұл жекпе-жекті жанкүйерсіз өткізгісі келмей жатыр.
Canelo and GGG agreed to a third fight months ago. Per sources, Alvarez will earn about $45 million; GGG $30M. Rematch generated over $27 million at the gate, so the trilogy bout won’t happen without fans. We could be looking at May 2021. All the details:https://t.co/qngujj35vP
— Mike Coppinger (@MikeCoppinger) July 22, 2020
Үшінші кездесу мексикалық боксшы қыркүйек айына жоспарлап отырған кездесуін жеңсе ғана өтеді. "Канелоның" алдағы кездесудегі қарсыласы британдық Каллум Смит болып қалуы мүмкін.
Еске салайық, Головкин мен Альварес бұған дейін екі рет кездесті. 2017 жылы Лас-Вегас қаласында өткен кездесуде екі боксшы тең түссе, арада бір жыл өткеннен соң болған кездесуде мексикалық жеңіске жетті.
Загрузка матч-центра...
Жарнама