12 жастағы ұры кәсіпқой боксшыны атып тастады
АҚШ-тың Техас штатындағы Ювалде қаласында 12 жастағы жасөспірім кәсіпқой боксшыны атып тастады, - деп хабарлайды Boxingscene.
24 жастағы Джон Вантметер өз үйінде сүйген қызы және екі баласымен болған. Ол бәз біреудің үйіне кіргенін естіп, бөлмеден шыққан. Осы кезде әйел адам оқ атылғанын естіген.
Оқиға орнына жеткен полицейлер есік алдында жатқан боксшыны байқаған. Оның басныа оқ тиген. Вантметерді ауруханаға жеткізген, алайда ол алған жарақатынан қайтыс болды.
Куәгерлер полицейлерге қара киінген ер адамды байқағандарын айтқан. Құқық қорғау органдары күдіктіні ұстаған, куәгерлер оны таныды - ол жергілікті мектептің 12 жастағы оқушысы екені анықталды. Техас штатының заңына сәйкес 14 жасқа толмаған балаларды 40 жылға дейін соттауға рұқсат беріледі.
Ванметер спорттық мансабында алты жекпе-жек өткізіп, соңғы екеуінде жеңіске жеткен. Келесі жекпе-жегі ақпанда өтеді деп жоспарланған.
Загрузка матч-центра...
Жарнама