АҚШ президенті Головкин-Джейкобс кездесуін тамашалай ма?

Орта салмақта WBA (Super), IBO, WBC және IBF тұжырымдары бойынша әлем чемпионы Геннадий Головкиннің промоутері Том Леффер АҚШ-тың жаңа президенті Дональд Трамп қазақстандық боксшының келесі кездесуіне келуі мүмкін екенін айтты.

18-наурыз күні Геннадий Головкин Нью-Йорктегі Madison Square Garden аренасында өзінің чемпиондық атақтарын тағы қорғайды. Бұл жолы отандасымыздың қарсыласы орта салмақтағы WBA тұжырымының чемпионы Дэниэл Джейкобс (32-1, 29 КО) болады. 

Леффердің айтуынша, Трамп боксты жақсы көреді екен. Тіпті ол Головкиннің Madison Square Garden-де өткізген соңғы екі жекпе-жегіне келіп, қазақстандық боксшыға қолдау білдірген. 

"Трамп Madison Square Garden-де өткен Головкиннің соңғы екі кездесуіне келген еді. Бірақ, бұл жолы келеді ме, келмейді ме мен ол туралы нақты ақпаратты білмеймін. Трамп - боксты қатты жақсы көреді. Бұған дейін АҚШ президенттерінің ешбірі Геннадийдің жекпе-жегіне келмеген еді. Егер, Трам келетін болса, әрине, онда ол Головкиннің айқасын тамашалаған бірінші АҚШ президенті болады", - дейді Леффер RingTV арнасына берген сұқбатында. 

Айта кетейік, 2015 жылдың қазанында Давид Лемьеге қарсы өтетін кездесудің алдында Трамп Головкиннің киім ауыстаратын бөлмесіне кіріп, отандасымызға сәттілік тілеген болатын. Содан соң Madison Square Garden-нің алдыңғы қатардағы орындықтарындың бірінде отырып, жекпе-жекті тамашалаған еді.