WBC боксты Олимпиада ойындарды бағдарламасында қалдыру туралы ХОК-қа өтініш білдірді

Бүкіләлемдік бокс кеңесі (WBC) Олимпиада ойындарды боксты сақтап қалу туралы Халықаралық олимпиада комитетіне (ХОК) өтініш білдірді.

Қараша басында Халықаралық әуесқой бокс қауымдастығының (AIBA) Мәскеудегі конгрессінде Өзбекстан өкілі Гафур Рахимов ұйым презиеднті болып сайланды. Дауыс беру қорытындысы кезінде ол Қазақстан өкілі Серік Қонақбаевтан асып түсті.

Лозанна соты Серік Қонақбаевтың шағымын қабылдады

АҚШ Қаржы министрілігі Шетелдік активтерді бақылау департаменті Рахимовты Өзбекстанның басты қылмыскерлерінің бірі ретінде тізімге алған. Осыдан кейін Халықаралық олимпиада комитеті Рахимовты сайлауға түспеуін сұраған. Өйткені Рахимовтың президент болуы ХОК-тың боксты Олимпиада ойындарының бағдарламасында қалдыру туралы шешіміне әсер етуі мүмкін.

"Бокс заманауи Олимпиада ойындарының бағдарламасында 1904 жылдан бері негізгі түрі болып келді. Бүкіл бокс әлемі ХОК және AIBA араздығын қойып, бокстың олимпиада ойындарынан шығарылу қаупін жояды деген сенімде. Әуесқой бокс жас жігіттерге өз елі үшін Олимпиада ойындарында арманына жетіп, атаққа бөленуге мүмкіндік береді", - делінген WBC хабарламасында.

Киевте өткен жыл сайынғы конвенция кезінде WBC бүкіл әлемдегі миллиондаған бокс сүйермендерінің "Бокс Олимпиада ойындарында болсын" делінген петиция жазылған болатын.

Әлеуметтік желілерде бөлісу