Қысқы Олимпиадада бірінші спортшы допингпен ұсталды

Оңтүстік Кореяның Пхенчан қаласында өтіп жатқан қысқы Олимпиада ойындарында бірінші спортшы рұқсат етілмеген дәрумен қолданғаны ұсталды. SA Today баслымының мәліметі бойынша, допинг сынақтан жапониялық шорт-трекші Кэй Сайто өте алмапты.

Басылымның мәліметі бойынша, 21 жастағы спортшының қанынан рұқсат етілмеген дәрумен табылған. Бірақ, оның атауы әлі жарияланған жоқ. Жапония Ұлттық Олимпиада комитеті 13-ақпан күні баспасөз жиынын өктізіп, бұл туралы ресми жарияламақшы.

Сайто болса уақытша жарыстардан шеттетілген. Спорттағы арбитраждық соттың (CAS) таратқан ақпаратына сүйенсек, онын сынамасынан диуретик табылған. Спортшы өз еркімен Олимпиада ойындарына қатысудан бас тартып, Олимпиада қалашығынан кетіп қалған. Спортшыға уақытша жаза тағылған. Бұл жаза ISU аясында өтетін жарыстарға қатыстырмауға мүмкіндік береді.

Сайто Жапонияның 5000 метрге эстафеталық құраманың қосалқы спортшысы болған. Бұл жарыстың финалдық бәсекесі 22-ақпан күні өтеді. Ол қысқы Олимпиада ойындарында допингпен ұсталған бірінші жапониялық спортшы екен.

Әлеуметтік желілерде бөлісу