Қазақстан стенд атудан Олимпиадаға екінші жолдама жеңіп алды

Стенд атудан Қазақстан құрамасының спортшысы Зоя Кравченко Олимпиадаға жолдама жеңіп алды, деп хабарлайды Olympic.kz.  

Халықаралық спорттық ату федерациясы (ISSF) стенд атудан Еуропа чемпионаты аяқталған соң, қосымша лицензияларды сарапқа салған болатын. Квота рейтинг бойынша қазақстандық спортшыға берілді, алайда ол атаулы емес. 

Еске салайық, Кравченко Үндістандағы Әлем кубогының кезеңінде сәтті өнер көрсетті. Жеке есепте ол күміс, ал командалық есептегі "скит" жаттығуында алтын иеленді. 

Айта кетелік, бұл мергендер еншісіндегі үшінші, ал жалпы есептегі 61-жолдама. Бұған дейін нысана көздеуден Юрий Юрков, стенд атудан Сәрсенкүл Рысбекова лицензия жеңіп алған болатын. Олимпиада ойындары 23 шілде мен 8 тамыз аралығы өтеді.