Велоспортшы Алексей Луценко жүлдеге іліге алмады

Велоспорттан (шоссе) Олимпиада ойындарында сынға түскен қазақстандық Алексей Луценко жүлдеге іліге алмады. 

234 шақырымға созылған жарыс жолын отандасымыз 21-орында аяқтады. Оның уақыты - 6:11:46. Луценко алтын жүлде алған Ричард Капарастан +6:20 қалып қойды. Екінші орынды бельгиялық Ваут Ван Арт алса, үздік үштікті словениялық Тадей Погачар түйіндеді. 

Ал екінші бір отандасымыз Вадим Пронский 83-орынға жайғасты.