Нұр-Сұлтан қаласында Қазақстан құрамасының спортшылары Олимпиада ойындарына қатысу үшін қанша қаршы кеткені айтылды, деп хабарлайды Vesti.kz тілшісі. Онлайн-брифинг барысында Ұлттық Олимпиада комитеті басшысының хатшысы Андрей Крюков спортшылардың дайындығына қанша ақша кеткенін айтты.
"Ұлттық құрама командалардың бюджеті - 15 миллиард теңге. Бұл 1270 адамның керек-жарағына кететін ақша. Бүкіл жарыстарына берілетін қары. Оның ішінде әлем чемпионы, тағы үш жарыс және Олимпиада ойындары кіреді. Биыл Олимпиада ойындарының шығыны қысқартылды. 722 миллионның орнына 490 миллион кетті. Оның 208 миллионы спортшылардың жарысқа жеткізу үшін чартер ұйымдастырған Air Astana компаниясына берілді. Бұл ақша өз елімізде қалады. Биыл біз делегацияны қатты қысқарттық. Сондықтан осындай аз ақша жұмсалды.
Сарапшылардың сегіз алтынды бюджеттің ақшасымен есептегені дұрыс емес. Жалпы елімізде спортқа бөлінетін бюджет - 260 миллиард. Бірақ бұл жерде еліміздегі барлық спортқа бөлінеді. Ал Ұлттық Олимпиада Комитеті бұл соманың тек бес пайызын басқарады", - деді Крюков.
Айта кетейік, бұған дейін осы жиын барысында Бақтияр Артаев та Олимпиаданы қорытындылап, бокстан Қазақстан құрамасы өзгеретінін айтқан еді.