Токио Олимпиадасында еркін күрестен 57 келіге дейінгі салмақтағы қола медаль үшін кездесулер басталды. Қазақстандық Нұрислам Санаев қола жүлдегер атанды, деп хабарлайды Vesti.kz порталы.
Ол кіші финалда болгариялық Георгий Вангеловті 5:1 есебімен ұтты.
Қазақстандық балуан жартылай финалда Үндістан балуаны Рави Кумарға есе жіберген еді. Қола медаль үшін күресте Санаев намысты қолдан бермеді.
Осылайша Қазақстан Токио Олимпиадасында алтыншы алтын жүлдесін жеңді. Бұған дейін ауыр атлеттер Игорь Сон мен Зульфия Чинчанло, дзюдошы Елдос Сметов, боксшылар Қамшыбек Қоңқабаев пен Сәкен Бибосынов алған еді. Ал Дархан Асаділов жартылай финалға жетіп, кем дегенде қола жүлдеге қол жеткізді.
Санаев 2018 және 2019 жылдары әлем чемпионатының күміс және қола жүлдегері атанған. Ал 2017 және 2018 жылдары Азия чемпионатында қола мен алтын жүлде жеңген.