Қазақстандық бірінші спортшы Токиода жарыс жолын бастады

Токиодағы 2020 жылғы Олимпиада ойынында қазақстандық бірінші спортшы жарысын бастады, деп хабарлайды Vesti.kz.

Ол академиялық есуден Владислав Яковлев болды. Қазақстандық спортшы үшінші келіп, іріктеудің бірінш айналымынан өтті. 7:10.08 нәтижесімен мәреге жеткен Яковлев ширек финалға өтіп отыр. 

Бірінші келген Сверре Нильсен (Дания), екінші Дженнаро Альберто ди Мауро (Италия) болды. Ескекшілер арасындағы жекелей сындағы финал 30 шілдеде өтеді.

Айта кетейік, 23 шілде Олимпиадада қазақстандық садақшылар жарысын бастайды. 

17:00-де Олимпиаданың ашылу салтанаты басталады. Жазғы ойындар 8 тамызға дейін жалғасады.