Елдос Сметов Олимпиада алтынынан кейін карьерасына қатысты сөз қозғады

Олимпиада чемпионы Елдос Сметов 2024 жылғы Париж ойындары карьерасындағы соңғы Олимпиада екенін мәлімдеді. 

60 келіде өнер көрсететін 31 жастағы балуан 2016 жылы Риода күміс, 2020 жылы Токиода қола және Парижде міне алтын алып, жүлделер топтамасын толық жинады. 

"Егер жауапкершілікті ойлай берсең, ештеңе өзгермейді, адам қажып кететді, сондықтан мен тек жарысты ойладым. 

Бұл менің соңғы Олимпиадам екенін білдім. Менің карьерам аяқталуға жақын екенін де ойладым. Сондықтан барымды салдым. 

Ата-анама, отбасым мен балаларыма уәде берген едім, жеңіспен ораламын деп. Олардың сенімі мен қоладуы мені ынталандырды. Бес балам бар, менің қымбат бөлшегім, ата-анам, аға-іні мен әпке-қарындастарым. Бұл жеңісті мен бүкіл қазақ елі мен жақындарыма арнаймын", - дейді Сметов.