"Екінші раундтан соң бапкерім намысымды оятты". Бибосынов Олимпиаданың ширек финалындағы кездесуі туралы пікір білдірді
Бокстан Токио Олимпиадасының жартылай финалына өткен Сәкен Бибосынов Olympic.kz сайтына сұхбат беріп, бүгінгі жекпе-жегін қорытындылады.
"Жекпе-жек ауыр өтті. Бірінші раундтан басымдық танытқаныммен, екінші раундта қате жібердім. Бойымның ұзындығына қарамастан, қарсыласымды өзіме жақындатып алдым. Негізі, қарсыласым лас жұдырықтасады екен.
Екінші раундтан соң бапкерім намысымды оятып, келесі кезеңге жақсы тактика қойып берді. Сол кісінің айтқандарын түгел орындадым. Енді алдағы қарсыласым да оңай емес.
Ұлыбританиялық боксшымен спарринг кездесулерін өткізгенмін, бірақ әлі ресми түрде кездеспегенмін. Жеңіске жету үшін бар күшімізді саламыз", - деді Бибосынов.
Айта кетейік, 52 келідегі жартылай финалдық жекпе-жек 5 тамыз күні өтеді.
Загрузка матч-центра...
Жарнама