50 келіде өнер көрсететін қазақстандық бұрымды боксшы Назым Қызайбай жекпе-жектен кейін берген сұхбат кезінде көз жасын ұстай алмады.
Журналист Назымға "іште әттеген-ай бар ма, әлде қоланы қанағат тұтатсың" ба деп сұрады.
"Ойдағыдай болмады әрине. Кеш бокстастық. Ұтуға енді барымды салдым. Бірақ Қытай қызы алдап кетті. Қатты ұрамын деп арасында кішкене қатып қалдым. Қатты іштей дайындалып едім, содан да шығар. Барлық қарсылас бірдей ғой. Қатты ұтқым келді. Алдап кетіп істейін деп едім... Әттеген-ай бар. Алтын медаль алғым келген. Енді не болса да, қолаға шүкір етеміз, - дей отырып сөз соңында Назым көз жасын ұстай алмады.