auth.social_login
js.pozhaluista_podojdite js.ukazhite_email js.ukazhite_imya_ili_psevdonim js.ukazhite_parol js.dlya_registracii_na_saite_vy_doljny js.dlya_redaktir_profilya js.ukazhite_korrektny_email material_dobavlen_v_izbrannoe js.dobavit_v_izbrannoe js.ubrat_iz_izbrannogo js.paroli_ne_sovpadayut js.zadaite_parol_dlya_vhoda_na_sait js.horoshi_parol_doljen_soderjat js.spasibo_za_vash_golos js.dobavit_plus_1 js.ubrat_plus_1 js.vyberite_variant_otveta
js.mesto
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
По-русски Табло
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

"Қазақстанда жұмыс істеу мүмкін емес. Ешқандай жағдай жасалмайды". Красножан Қазақстан құрамасынан не үшін кеткенін айтып берді

Бапкер біздің құрамамен бір жыл жұмыс істеген еді.

"Қазақстанда жұмыс істеу мүмкін емес. Ешқандай жағдай жасалмайды". Красножан Қазақстан құрамасынан не үшін кеткенін айтып берді
Сурет ҚФФ-ның ресми сайтынан алынды.
Ресейлік маман Юрий Красножан "Матч ТВ" арнасына берген сұқбатында Қазақстан құрамасынан не үшін кеткенін айтып берді.

54 жастағы маман Қазастан құрамасының тізгінін 2014 жылдың 5 наурызында ұстап, 2015 жылдың 13 қазанында бұл қызметтен кеткен еді. Бұл уақыттың ішінде ол Ұлттық құрамамызбен 17 кездесу өткізіп, 3 кездесуде жеңіске жетсе, алты ойында тең ойнап, жеті ойында жеңіліс тапты. 

2016 жылы Франция жерінде өткен Еуропа біріншілігінің іріктеу кезеңінде Красножанның бастамасымен Қазақстан құрамасы бес ұпай жинап, А тобында Латвияның алдына түсіп, бесінші орынға жайғасты. 

- Жұмыс істеп жатырсыз ба?

- Жоқ. Жаңа жұмыс туралы бір екі жоспарым бар. Бірақ қазір ол туралы айту әлі ерте. 

- Өткен жарты жылда не істедіңіз?

- Өз-өзіммен жұмыс істедім. Отбасымның қасында болдым. Денсаулығымды түзеп, отбасымның мәселелерін шештім. Ұлым үйленді. Немерелі болдым. 

- Қазір қай жерде тұрып жатырсыз?

- Нальчикте. 

- Не үшін Қазақстан құрамасымен келісімшартыңызды ұзартпадыңыз?

- Қазақстанда жұмыс істеу мүмкін емес. Ешқандай жағдай жасалмайды. Ойын өткізу бір бөлек. Бірақ осы ойындарға дайындалу керек қой. Ойындарға дайындалу үшін жүйені ауыстыру керек. Жолдастық кездесу өткізу үшін де. Тіпті жолдастық кездесулерді дұрыс ұйымдастыра алмаған соң, мұндай жерде жұмыс істей алмайтыныңды түсінесің. 

- Жолдастық кездесулерді неге өткізе алмадыңыздар?

- Мүмкін, қарсыластармен келісімге келу қиын болған шығар. Бірақ мен анық-қанығын сұраған жоқпын. Тек фактті ғана айтып отырмын. 

- Сіз Ресейдің ұлттық құрамасын жаттықтырмасаңыз да, жастар құрамасын баптадыңыз. Қазақстан мен Ресей футболында айырмашылық көп пе?

- Иә. Мен Ресей құрамасына қарсыластардың қандай қиын жолмен табылатынын білемін. Жастар құрамасында да тура солай. Сол үшін Қазақстанда бұл мәселенің де қалай шешілгенін білемін. Бұл мәселені шешу үшін тек ғана жұмыс істеу керек. Осы жағынан екі елдің футболында ұқсастық бар шығар. Алайда Ресей футбол одағындағы адамдар жинақы жұмыс істейтін. 

- Қазақстанда сіздің алдыңызға қандай тапсырма қойды?

- Мен қызметіме ең алғаш кіріскен күннен және жұмысымнан кеткенге тапсырмалар әртүрлі болды. Басында құрама сапына жас футболшыларды көп тарту керек деген. Бірақ бұл процесске көп уақыт кетеді. Қазақстанның жастар құрамасында талантты жігіттер өсіп келеді. Оларды көбірек ойнату керек. Міне, осылар құрама сапында жасы келген ойыншылардың орнын басу керек еді. Алайда Қазақстанда бұл процесс тым ұзаққа созылып кетті. 

Содан соң - Еуро-2016 іріктеу турнирінде төртінші орын алу деген тарсырма қойылды. Ал федерацияның жаңа басшылары 2018 жылы Ресей жерінде өтетін әлем біріншілігіне қатысқысы келді. 

- Бұл Қазақстан үшін орындалмайтын тапсырма ма?

- Мен жалпы орындалмайтын тапрсырма болмайды деп есептеймін. Тек барлық тапсырмаларды уақытымен шешім отырса. Біз сиқыршы емеспіз ғой. Қолыңды бір сергіп, керемет нәтижеге жету мүмкін емес. Ал қазір барлығы бірден айға қолдарын созады. 

- Екі жылдың ішінде Қазақстан құрамасы ресми кездесулерде бір рет ғана жеңіске жетті. Оның өзі Еуропа біріншілігің іріктеу кезеңіндегі соңғы ойында тіркелді. Екі жыл бойы жеңіске жетпеу психологиялық тұрғыдан әсер етпейді ме?

- Мұндай нәтижені қабылдау біріншіден жанкүйерлер үшін қиын шығар. Бірақ сен команданың ішінде болсаң, буын алмасу, ойыншы алмасу секілді процесстердің өткенін дұрыс екенін білесің. Иә, біз жеңген жоқпыз. Дегенмен де Қазақстанда ұйымдастыру деңгейі жоғары болғанда мен сонда қала берер едім. 

- Латвияны қалай жеңіп кеттіңіздер?

- Оған дейін жасалған еңбектің арқасында. Мен басқа нәрселерге сенбеймін. Тек еңбекпен ғана нәтижеге қол жеткізуге болады. 

- Бұрнағы күні сіз жұмыс іздестіріп жатырсыз ба әлде сізге жасаған ұсыныстар бар ма?

- Ұсыныстар бар. Қаржылық, техникалық базасы бар, кардлары бар ұжымның тізгінін ұстағым келеді. 






Әлеуметтік желілерде бөлісу
Жаңалықтар