28 жастағы қазақстандық спортшы Мария Агапова АҚШ-тың Техас штатында өткен Bare Knuckle Fighting Championship (BKFC) турнирінде дебют жасады, - деп хабарлайды Vesti.kz.
Жалаң қолмен өткізілген алғашқы жекпе-жегінде отандасымыз төрешілер шешімімен 38 жастағы америкалық Джессика Айдан жеңіліп қалды. Ай үшін де бұл жаңа лигадағы алғашқы кездесу болды.
Bare Knuckle Fighting Championship (BKFC) — АҚШ-тың Филадельфия қаласында орналасқан халықаралық промоушен. Бұл ұйым жалаң қолмен өткізілетін жекпе-жектерді ұйымдастыруға маманданған. BKFC турнирлері АҚШ, Ұлыбритания, Канада, Италия, Болгария, Азия елдері мен БАӘ-де өткізіледі.
.@JessicaEvilEye Wins every round in her BKFC Debut!#BKFC76 | Live NOW on DAZN pic.twitter.com/il9BY70CCw
— Bare Knuckle FC (@bareknucklefc) June 22, 2025
Бұған дейін Мария Агапова UFC ұйымында өнер көрсеткен. Ол бұл промоушен аясында алты жекпе-жек өткізіп, екі жеңіске жетіп, төрт рет жеңіліп қалды.
2024 жылдың жазында Агапова қатарынан үш жеңілістен кейін UFC-ден кетті.
Жарнама