21 жастағы қазақ спортшы шешенстандық қарсыласын бірінші раундта жеңді
Alash Pride 68 турниріне қатысқан он отандасымыздың арасында тек үшеуі жеңіске жетті, деп жазады Vesti.kz тілшісі.
Олардың арасында Абзал Сейітжаппаров ресейлік Бислан Яхиевті жеңсе, Жандос Исабеков өзбек Бобур Абдулазимовтан басым түсті. Сонымен қатар, жамбылдық Давлатбек Абдукахаров Ташкенттен келген Шахром Юлдашевтен күштірек екенін дәлелдеді. 60 келіге дейінгі салмақта сынға түскен Абзал Сейітжаппаров жекпе-жектен кейін қуанышты сәтімен бөлісті.
"Шынымды айтсам жекпе-жекті бірінші раундта аяқтаймын деп күткен жоқпын. Біздің жоспарымыз бойынша толық үш раунд бойы тұрып айқас көрсетемін деп ойлағам. Құдайдың қалауымен алғашқы раундта "рычаг" әдісімен жеңдім. Қарсыласым сонау Ресейдің Шешенстан елінен келген. Негізі мықты екен. Сәтін салып бүгінгі жеңіс маған бұйырыпты. Маған қолдау білдірген барша жанкүйер қауымға алғыс айтамын".
Загрузка матч-центра...
Жарнама