Юрий Красножан "Анжидің" тізгінін ұстауы мүмкін

Футболдан Қазақстан құрамасының бұрынғы бас бапкері Юрий Красножан махачкалалық "Анжи" клубының бас бапкері атануы мүмкін. 

Махачкалалық клубтың қазіргі бас бапкері Александр Григорян 8 тамыз күні хабаровскінің СКА клубына қарсы өтетін ойында, "Анжи" жеңіске жетпесе, қытменінен қуылуы ықтимал. 

Ал "Спорт-Экспресс" басылымының хабарлауынша, "Анжидің" тізігін ұстауы мүмкін деген бапкерлердің тізімін Юрий Красножан бастап тұр. 54 жастағы маманның соңғы жұмыс орны Қазақстан құрамасы болған. 

Сонымен қатар Краснодан "Анжи" клубының да тізгінін ұстаған. Бірақ ұзақ емес. 2011 жылдың 27 желтоқсанында бұл қызметке келіп, 2012 жылдың 13 ақпанында өз еркімен қызметінен кеткен. 

Айта кетейік, "Анжи" клубы Ресей біріншілігінің төртінші турынан кейін 15 орында келеді. Команда үш рет жеңіліп, бір рет жеңіске жеткен.