Салах Мысыр құрамасымен жанжалдасып қалғанын жоққа шығарды

Футболдан Мысыр құрамасының шабуылшысы Мохамед Салах әлем чемпионатында Ресейден жеңілген соң өз командасымен жанжалдасып қалғанын жоққа шығарды.

Мысырлық құраманың көшбасшысы Твиттерде өз командасының бір ұжым екенін айтты.

«Құрамада ешқандай жанжал жоқ. Біз бір-бірімізді құрметтейміз», - деді Салах.

Бұған дейін Салах құраманың әлем чемпионатына дайындығы үшін Мысыр футбол федерациясымен келіспей қалғаны жазылған еді.