Роналдо Неймардың "Реалға" ауысуын қолдады

©:360dopes.com

Мадридтік "Реал" бұрынғы шабуылшысы Роналдо "Пари Сен-Жермен" клубының шабуылшығысы Неймардың "карольдік" клуб сапына ауысуы мүмкін деген әңгімеге қатысты пікірін білдірді.

"Неймар - керемет футболшы. Мүмкін тағы бірнеше жылдан кейін ол әлемдегі ең үздік ойыншы атанатын шығар. "Реалға" мұндай футболшылар керек", - деп келтіреді Роналдоның сөзін Marca басылымы.

Сонымен қатар Роналдо Чемпиондар лигасы 1/8 финалында кездесетін "Реал" мен "ПСЖ" арасындағы ойында кімнің фоварит екенін айтты. "Мен "Реалдың" өкілімін. Сондықтан да олардың жеңгенін қалаймын. Бір жағынан маған ПСЖ ұнайды, ал Неймар - менің досым. Мен екіге бөлініп тұрған жоқпын. Тек жақсы ойын көремін деп үміттенемін", - дейді.

Айта кетейік, қаңтар айының соңында Неймар ПСЖ-ға Чемпиондар лигасын жеңуге көмектесетін болса, жазда "Реал" сапына ауысуы мүмкін деген ақпарат шықты. "Реал" президенті Флорентино Перес болса Неймарды сатып алуға дайын екенін айтып, тіпті Криштиану Роналдуды қосып беретінін хабарлады.

Неймар ПСЖ сапына 2017 жылдың жазында "Барселона" сапынан 222 миллион еуроға ауысып келген еді. Бірақ, кейіннен шабуылшы франциялық клуб сапына ауысқанына өкініп қалыпты.

Әлеуметтік желілерде бөлісу