"Реал" Мбаппені сатып алу үшін Бэйлді сатуға бел буды

Sunday Express басылымының мәліметі бойынша, мадридтік "Реал" Уэльс құрамасының шабуылшысы Гарет Бэйлді сатуға дайын екен. 

Дереккөздің таратқан ақпаратына сүйенсек, "Реал" Бэйлден түскен қаржыға 18 жастағы "Монако" шабуылшысы Килиан Мбаппені сатып алуға жұмсайды. 

Ал бұған дейін Бэйлге Ағылшын біріншілігінде өнер көрсететін бірнеше клуб және париждің "ПСЖ" клубы қызығушылық білдіріп отырғаны мәлім болған еді. Бірақ "Реал" басшылары ұсыныстарды қабылдамаған. 

Айта кетейік, Бэйл "корольдік" клуб сапына 2013 жылы "Тоттенхэмнен" ауысып келді. Осы уақытқа дейін ол "Реалмен" Испания біріншілігін, Испания Суперкубогын, үш рет Чемпиондар лигасын, екі рет УЕФА Суперкубогын және екі рет клубтар арасындағы әлем чемпионатын жеңіп алды.