ПСЖ келер жылы Чемпиондар лигасына қатыспауы мүмкін

©:Getty Images

Франциялық ПСЖ клубы 2017/18 жылғы маусымдағы жасаған траснферлері үшін маусым аяқталғаннан кейін қаржылық фэйр-плейдің қиындықтарына тап болуы мүмкін. Бұл туралы Sports.ru порталы RMC басылымына сілтеме жасап хабарлайды.

Келер Еурокубоктық маусымның басталар алдында УЕФА париждік клубтың биылғы жазда жасаған барлық трансферлерін тексеретін болалы. Клуб биыл Дани Алвес (тегін), Неймар (222 миллион еуро) Килиан Мбаппе (жалға, бірақ келер жылы 180 миллион еуроға сатып алуға міндетті) секілді футболшыларды сатып алған еді.

5 қараша күні ПСЖ өкілдері Ньон қаласында УЕФА өкілдерімен кездесіп, Неймар мен Мбаппенің келісімшартының барлық деректерін ұсынды.

Фэйр-плей ережесіне сай болуы үшін париждік клуб енді қысқы трансфер кезінде футболшыларын кемінде 80 миллион еуроға сатуы керек.

Қазіргі уақытта ПСЖ басшылары Анхель Ди Мария және Лукас Моураны сатыға дайын. Бірақ париждік клуб басшылары ұжымның қиын жағдайға түсіп отырғанына байланысты бұл футболшылардың нарықтағы бағасын төмендетіп жібереді ме деп қауіптеніп отыр.

Қалай болғанда да биыл ПСЖ клубына ешқандай қауіп төніп тұрған жоқ. Бірақ қаржылық фэйр-плей ережесін сақтамаса УЕФА келер жылы париждік клубты Чемпиондар лигасына қатыстырмауы мүмкін.

Әлеуметтік желілерде бөлісу