Иньеста карьерасын Жапонияда жалғастыратын болды

Каталониялық "Барселона" клубының бұрынғы жартылай қорғаушысы Андрес Иньеста карьерасын жапониялық "Виссел Кобе" клубында жалғастыратын болды, деп хабарлайды "Р-Спорт" порталы. 

Иньеста сәуір айында маусым аяқталғаннан соң 16 жыл намысын қорғаған "Барселона" сапынан кететінін хабарлаған еді. Сәрсенбі күні 34 жастағы футболшы өзінің твиттер парақшасында "Виссел Кобе" клубының басшысы, жапониялық миллиардер Хироси Микитанимен бірге түскен суретін салып, "Досыммен жаңа үйіме қарай", - деп жазды. 

"Барселона" сапында Иньеста тоғыз рет Испания чемпионы атанып, алты рет ел кубогін, төрт рет Чемпиондар лигасының, үш рет клубтар арасындағы әлем чемпионатын жеңіп алды. Сондай-ақ екі рет Еуропа чемпионатын және бір рет әлем чемпионатында топ жарды. 

2017 жылы "Виссел Кобе" клубының сапын германиялық шабуылшы Лукас Подольски толықтырған болатын.