Иньеста жарақатына байланысты Чемпиондар лигасындағы "Челсиге" қарсы кездесуге қатыспайды

©:sportseries.net

Каталониялық "Барселонаның" капитаны Андрес Иньеста жарақатына байланысты үш-төрт аптаға қатардан шығып қалды.

Жартылай қорғаушы Испания біріншілігінің 27-турында "Атлетико" (1:0) клубына қарсы кездесуінде санынан жарақат алды. Осы жарақатына байланысты ол 36-минутта алаңнан кетуге мәжбүр болды.

Испаниялық әр түрлі дереккөздің мәліметі бойынша, Иньестаның қатарға қосылуына байланысты әртүрлі болжам жасап жатыр. Мәселен, Marca басылымының ақпараты бойынша, испаниялық жартылай қорғаушы үш аптадан кейін қатарға қосылады. Ал AS басылымы Иньестаның 15-20 қатарға қосылатыын жазды.

Капитанның жарақаты қаншалықты ауыр екені 5-наурызға белгіленген медициналық тексерістен кейін толық белгілі болады.

Осылайша Иньеста 14-наурыз күні Чемпиондар лигасындағы "Челсиге" қарсы кездесуге қатыса алмауы мүмкін. Еске салайық, "Барселона" мен "Челси" арасындағы бірінші кездесу 1:1 есебімен аяқталды.

Биылғы маусымда Иньеста "Барселона" сапында 31 ойынға қатысып, 1 гол және 3 нәтижелі пас берді.

Әлеуметтік желілерде бөлісу