Ибрагимович "Манчестер Юнайтедпен" жаңа келісімшарт жасады

Шведциялық шабуылшы Златан Ибрагимович "Манчестер Юнайтедпен" қайта келісімшарт жасады. Бұл туралы ағылшындық клубтың ресми сайты хабарлады. 

Келісімшарт бір жылға жасалған. Жаңа маусымда Ибрагимович "МЮ" сапында 10 нөмірмен өнер көрсететін болады. 

Еске салайық, шабуылшы сәуір айында Еуропа лигасы аясында "Андерлехпен" өткен ойында ауыр жарақат алып, қатардан шығып қалған еді. Сол уақыттан бері ол ем-дом қабылдап келеді. Дәрігерлердің айтуынша, ол енді алаңға тек жыл соңында қайта оралады. 

Өткен маусымда 35 жастағы шабуылшы "МЮ" сапында 28 кездесуге қатысып, 17 гол және 5 нәтижелі пас берген. Ағылшындық клубқа дейін Ибрагимович "ПСЖ", "Милан", "Интер", "Ювентус", "Барселона", "Аякс" және "Мальме" секілді клубтарда өнер көрсеткен. 

#Zlat10 pic.twitter.com/jnjJHnLJy4

— Manchester United 24 августа 2017 г.

Jose Mourinho on @Ibra_official: "We're delighted to have his ambition and experience back with us."

Well said, boss! pic.twitter.com/j4SHyimw2n

— Manchester United  24 августа 2017 г.