ФИФА рейтингінде Қазақстан құрамасы Қырғызстаннан төмен тұр

Бүкіләлемдік футбол федерациясының (ФИФА) жаңартылған рейтингінде Қазақстан құрамасы 21 сатыға төмен түсіп, Қырғызстаннан төмен тұр, - деп хабарлайды Vesti.kz. Жаңа рейтинг ұйымның ресми сайтында жарияланды. 

Бұрынғы рейтингтен соң Александр Бородюктің шәкірттері ресми түрде екі рет ойын өткізді. Әлем чемпионаты-2018 іріктеу кезеңінде қазақстандық футболшылар өз алаңында Черногориядан (0:3), ал қонақта Польшадан (0:3) ұтылды. 

Жаңа тізбекте Қазақстан 126-орынға түсті. Қырғызстан бұл тізімде - 122-орында. 

ФИФА рейтингісінің бірінші ондығында да өзгерістер болды. Германия өзіне көшбасшылықты қайтарып алды, Бразилия - екінші орын. Үшінші орында - Португалия. Ресей 62-шіден 64-ке түсті. 

14 қыркүйекте шыққан ФИФА рейтингі:
1 (2). Германия - 1606 ұпай
2 (1). Бразилия - 1590
3 (6). Португалия - 1386
4 (3). Аргентина - 1325
5 (9). Бельгия - 1265
6 (5). Польша - 1250
7 (4). Швейцария - 1210
8 (10). Франция - 1208
9 (7). Чили - 1195
10 (8). Колумбия - 1191,
...126 (105). Қазақстан - 254.