ФИФА жаңа турнир ойлап табуға ниетті

Халықаралық футбол федерациясы (ФИФА) жаңа турнир ойлап табуға ниетті. Бұл туралы Lenta.ru порталы 101 Great Goals басылымына сілтеме жасап хабарлайды.

Басылымның мәліметі бойынша, жаңа турнир "Әлемдік лига" деп аталып, жолдастық кездесулер мен Еуропа футбол одағы (УЕФА) ұсынып отырған Ұлттар нациясының орнын басуы мүмкін.

ФИФА-ның ұсыныс бойынша, турнир жыл бойы өтеді. Ал қатысатын елдер ФИФА рейтингіне байланысты үш дивизионға бөлінеді.

Бірақ ФИФА-ның мұндай ұсынысын Аргентина және Бразилия футбол федерациялары қарсы болып отыр. Олардың пікірінше, бұл турнир латынамерикалық елдерге Еуропаның мықты деген құрамаларына қарсы кездесу өткізу мүмкіндігін төмендетеді.

Айта кетейік, 2018 жылы тұсауы кесілетін Ұлттар лигасы турниріне Еуропаның 55 құрамалары қатысады. Ұжымдар УЕФА рейтингіне байланысты А,В,С және D деп төрт топқа бөлінеді. Әр дивизионда төрт топтан болады.

Ұлттар лигасының жеребесі 2018 жылдың 24 қаңтарында тартылады. Бұл турнирде 2020 жылы өтетін Еуропа біріншілігіне төрт жолдама сарапқа салынады.

Әлеуметтік желілерде бөлісу