Бразилия министрі Робиньоны тез арада түрмеге қамауды талап етті

Бразилияның отбасы және адам құқықтарын қорғау министрі Дамарес Алвес "Реал", "Милан" мен "Манчестер Ситидің" бұрынғы шабуылшысы Робиньоны түрмеге жабуды талап етті.

"Дереу түрмеге отырғызыңдар, менің басқа айтарым жоқ. Апелляциялық шағым түсіруге болады. Сізге тағы не керек? Түрме. Бірде-бір зорлаушыға қошемет көрсетуге болмайды. Жігіт футболға оралып, қайтадан қаһарман болғысы келеді", - деді Алвес берген сұхбатында.

Еске салайық, өткен жылдың қараша айында Робиньо зорлау әрекеті үшін тоғыз жылға сотталуы мүмкін деген ақпарат шыққан еді. Оқиға Миланда 2013 жылдың 22 қаңтарында болған. 2017 жылдың 23 қарашасында Милан соты 33 жастағы футболшы мен тағы бес адамды кінәлі деп тапқан болатын. Робиньо өзінің кінәсін мойындамай, сот үкіміне қарсы шағымданатынын айтты.

11 қазанда Робиньо «Сантоспен» келісімшартқа отырды, бірақ 6 күннен кейін клуб келісімшартты бұзды.