"Бавария" Хамес Родригеспен келісімге келгенін хабарлады

Колумбия құрамасы мен "Реалдың" жартылай қорғаушысы Хамес Родригес карьеарасын "Бавария" сапында жалғастырады. Бүгін мюнхендік клубтың баспасөз қызметі мадридік клубпен келісімге келгенін хабарлады. 

"Бавария" жартылай қорғаушыны екі жылғы жалға алады. Ал келісімшарт біткенде Карло Анчелотти жаттықтыратын клуб Родригесті сатып алуға мүмкіндігі де болады. Жартылай қорғаушы бүгін медициналық тексерістен сәтті өтіпті. 25 жастағы футболшы келісімшартқа бүгін қол қойып, командамен бірге Қытай және Сингапур жерінде өтетін жаттығу жиындарына барады. 

Жартылай қорғаушыны екі жылға бергені үшін "Реал" 15 миллион еуро алады. 

2016/17 жылғы маусымжа Хамес "Реал" сапында барлық турнирде 33 кездесуде қатысып, 11 гол соқты.