"Барселона" өз стадионының атауын рекордтық сомада сатқалы жатыр

"Барселона"  өзінің  "Камп Ноу" стадионының атауын өзгертуі мүмкін. Бұл спорт тарихындағы рекордтық мәміле болмақ, деп хабарлайды CCMA телерадиокомпаниясы.

Бұдан бұрын аталмыш клубтың осыған байланысты фармацевтикалық компаниялардың бірімен келісім жасап жатқаны айтылған болатын. Егер тараптар келісімге келер болса, аренаға компанияның атауы қосылып жазылатын болады. Келісімшарт 30 жылға есептелген. Әзірге сома көлемі жайлы айтылмай отыр. Бірақ рекордтық болатындығы анық. 

Қазіргі уақытта ең жоғары мәміле  "Нью-Йорк Джетс" және "Нью-Йорк Джайентс" клубтарына тиесілі. Олар өз ареналарының атауын өзгерту туралы 338,6 миллион еуроға есептелген келісімшартқа қол қойған. Келісім 25 жылға есептелген.