"Барселона" қыста Коутиньоны сатып алатын болды

Каталониялық "Барселонаның" басшылары қысқы трансферлік нарықта ағылшындық "Ливерпуль" клубының жартылай қорғаушысы Филиппе Коутиньоны сатып алуға ниетті. Бұл туралы Sport порталы хабарлайды. 

Еске салайық, "Барселона" бразилиялық жартылай қорғашыны жазғы трансферлік нарық кезінде сатып алғысы келген еді. Бірақ ол кезде ағылшындық клубтың басшылары ойыншыны жіберуден бас тартты. Жазда каталониялық клуб Коутиньо үшін 150 миллион еуро ұсынған еді. 

Испаниялық тілшілердің таратқан мәлімет бойынша, енді "Барселона" жартылай қорғаушы үшін 120 миллион еуро беруге дайын. 

Айта кетейік, Коутиньоның "Ливерпуль" клубымен келісімшарты 2022 жылға дейін келісімшарты бар.